Presidenti i Serbisë, Tomislav Nikoliç i ka thënë edhe një herë “Jo” pavarësisë së Kosovës, ndërsa ka treguar gatishmëri për dialog politik me Prishtinën, gjatë një interviste të dhënë për agjencinë italiane të lajmeve Ansa, në vigjilje të një vizite zyrtare të Sergio Mattarella të hënën në Beograd.
Ndërsa ka nënvizuar marrëdhëniet shumë të mira të Italisë me Serbinë, Nikoliç ka vënë në dukje rreziqet e sjella nga projekti i “Shqipërisë së Madhe”, çka sipas tij, u treguan nga sulmi i fundit terrorist në Kumanovë të Maqedonisë.
Në lidhje me këtë ngjarje presidenti serb është shprehur se kanë pasur si qëllim destabilizimin e të gjithë rajonit.
Edhe një herë ai ka mohuar në mënyrë kategorike njohjen e pavarësisë së Kosovës dhe është shprehur në favor të dialogimeve. /tesheshi.com/
