NATO ka ngritur gjashtë shtabe operacionale në gjashtë vende të Europës, në kufijtë e Aleancës.
Si në kohën e Luftës së Ftohtë, kur të njëjtat struktura u ngritën në Turqi, Gjermaninë Perëndimore dhe Greqi, kësaj here Aleanca e Atlantikut të Veriut ka bërë të njëjtën gjë por në vende të ndryshme, përkatësisht në Estoni, Letoni, Lituani, Poloni dhe Rumani.
Vendimi i për krijimin e këtyre shtabeve për integrimin e forcave të NATO-s në vendet anëtare të Aleancës u morr në Samitin e NATO-s në Uells gjatë shtatorit të 2014, ndërkohë që ata u ngritën njëkohësisht me ceremoni speciale në Varshavë, Sofje, Bukuresht, Talin, Riga dhe Vilnus.
Përfaqësuesit politikë të Aleancës së Altlantikut Verior e kanë vlerësuar këtë si shprehje kategorike e angazhimit dhe solidaritetit të Aleancës për mbrojtjen e të gjithë anëtarëve të saj sipas parimit 28 për 28.
Numri dy i NATO-s, James Apaturaj, deklaroi në Sofje se Aleanca nuk ka në plan të konfrontohet me asnjë shtet, por nevoja e hapjes së shtabeve të tilla është rritur për shkak të mosstabilitetit në rritje në regjionet fqinje.
“Kjo është dëshmi konkrete, se çdo shtet anëtar i Aleancës është i angazhuar me sigurinë e shtetit tjetër të NATO”, theksoi ai.
“Angazhimi ynë politik është të mbrojmë secilin shtet dhe këto shtabe japin mundësi për veprime të tilla. Do të punojmë me autoritetet bullgare që të jemi të sigurt, se forcat e aleateve të tjerë mund të mbërrijnë këtu shpejtë.
Krijimi i shtabeve është pjesë e adaptimit të përbashkët të strukturës së forcave të NATO-s dhe të sistemit të komandimit dhe është ndryshimi më i madh në organizatën pas fundit të Luftës së Ftohtë”, deklaroi zëvendësi i Sekretarit të Përgjithshëm të NATO-s.
Nga Vilnjusi, Sekretari i Përgjithshëm i NATO-s, Jens Stoltenberg nënvizoi se inaugurimi i qendrave të reja është hap drejt sigurisë më të madhe: “Ato do të garantojnë, se në rast nevoje forcat tona mund të lëvizin shpejt dhe në mënyrë efektive. Ato do të ndihmojnë që të dërgojmë mesazhin e qartë se askush në NATO nuk do të lihet i vetëm. Ne synojmë për një Evropë, e cila është e bashkuar, e lirë dhe paqësore. Do të bëjmë të nevojshmen që vendet tona të jenë të sigurta”.
Shtabet do të përdoren për komandim dhe drejtim në nivel batalionesh. Ata do të zhvillojë përgatitjen e formacioneve dhe do të mirëmbajnë pajisjet në rast të krizës. Si pjesë e strukturës së forcave të NATO-s efektivat do të jetë shumëkombëshe dhe do të funksionojnë mbi parimin e rotacionit. Për çdo shtab është parashikuar që numri i nëpunësve të arrijë 41 veta.
Presidenti i Bullgarisë, Rosen Plevneliev, deklaroi në ceremoninë e zhvilluar në Sofje se: “Këto shtabe do to jenë hallka lidhëse midis ushtrive kombëtare dhe atyre aleate në zhvillimin e stërvitjeve dhe trajnimeve të përbashkëta, si edhe për sigurimin logjistik dhe të infrastrukturës në përhapjen e forcave të NATO-s me shkallë të lartë të gatishmërisë në situata emergjente, që kërcënojnë sigurinë dhe tërësinë territoriale të vendeve anëtare të Falangës Lindore, përfshi Bullgarinë”.
Ai shtoi shtoi më tej se: “Veprimet e Rusisë me Ukrainën Lindore, aneksimi i paligjshëm i Krimesë, konfliktet e pezulluara në afërsi të kufijve tanë, krijojnë barrë suplementare në përpjekjet tona të përbashkëta në mbrojtjen e sovranitetit të shtetit tonë. Do t’u kundërvihemi me vendosmëri çdo plani për destabilizim, konflikteve të pezulluara.” /tesheshi.com/
