Kryedemokrati Basha vizitoi katër të plagosurit e shpërthimit në Rafinerinë e Ballshit, ku njëherësh shprehu ngushëllime për humbjen e jetës së punëtorit Shkëlqim Muça.
“Vizituam 4 të plagosurit, u uroj shërim sa më të shpejtë. Falënderoj personelin mjekësor për përkushtimin dhe ndihmën që u dhanë të dëmtuarve. U shpreh ngushëllimet familjarëve të Shkëlqim Muçës”, u shpreh Basha.
Dhe më pas, pas kortezisë njerëzore, ëshët kaluar në frontin e nxehtë të politikës duke e trajtuar ngjarjen si “Gërdec politik”.
“Dje ndodhesha në Mallkastër disa orë para shpërthimit. Siguria në punë dhe statusi i naftëtarit ishte një nga pikat që diskutuam. I sigurova se unë dhe PD do ta ndjekim deri në fund këtë çështje. Dyshime për privatizimin e ARMO-s, për fitimet që nuk kanë shkuar për sigurinë. Naftëtarët janë lënë pas dore, ashtu si të përmbyturit. Një ditë tjetër që kryeministri nuk është në krye të detyrës, por që ndodhet në avion për të shkuar në një tjetër ekspozitë. Nuk janë vetëm, nuk do kenë vetëm mbështetjen time apo të PD, por edhe të socialisteve të ndershëm. Rama do e marrë përgjigjen nga naftëtarët, të përmbyturit, gjithë shqiptarët”, tha Basha. /tesheshi.com/
