Kryeministri Rama ka marrë një vendim gati kontravers duke emëruar zv.ministër Arsimi njeriun që detyroi dorëheqjen e një të tilli, Ervin Demos.
Taulant Muka, i njohur si shkencëtar shqiptar në mjekësi, i cili jeton e punon në Danimarkë, ishte personi që denoncoi Demon për plagjiaturë në doktoraturë. Demo dha dorëheqjen e në vend të tij do jetë denoncuesi si zv.ministër.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI: Z. Taulant Muka emërohet zëvendësministër i Arsimit, Sportit dhe Rinisë”, thuhet në aktin zyrtar të qeverisë.
Prej kohësh, Muka është angazhuar në denoncimin e rasteve të plagjiaturës ndër emra publikë shqiptarë. /tesheshi.com/
