Një person është arrestuar dhe një pushkë është konfiskuar pas sulmit që është bërë në dy makina zyrtarë të EULEX-it të dielën pas dite.
Personi i arrestuar pas intervistimit nga policia e Kosovës, është liruar në procedurë të rregullt. Sipas policisë personi i arrestuar ka pasur një aheng familjar dhe ka pranuar se ka shtënë me arë në ajër, por në asnjë mënyrë në drejtim të EULEX-it..
Sipas burimeve të “Tesheshi”, i dyshuar që është arrestuar e që i është konfiskuar arma ka qenë në largësi nga incidenti me EULEX-in së paku 1.5 km dhe nuk ka mundësi që nga ky person të jetë i përfshirë në incident.
Derisa hetimet rreth incidentit të së dielës ky dy makina të EULEX-it dyshohen se janë sulmuar në pritë, dy arteriet e Kosovës në veri të vendit, magjistralja e ‘Ibrit’ që të shpie për në pikalimin kufitar G 1 në Jarinjë të Leposaviqit dhe magjistralja e ‘Adriatikut’ që të shpien në pikalimin kufitar G 31 në Bërrnjak të Zubin Potokut, mbesin rrugët më të rrezikshme për jetët personelit të misioneve ndërkombëtare në Kosovë.
Këto dy arterie të Kosovës në veri të vendit deri më tani kanë marr jetën e dy zyrtarëve ndërkombëtar dhe një vendori si dhe shumë të tjetër janë plagosur rënd e lehtë.
Satish Menom shtetas indian, polic i UNMIK-ut dhe Audrius Senavicius doganieri 35-vjeçar, i EULEX-it, shtetas lituanez janë, vrarë nga prita e organizuar në magjistralen e “Ibrit. I pari është vrarë në vitin 2003 ndërsa i dyti në vitin 2013.
Polici i Kosovës i njësisë speciale ROSU, Enver Zymberi, është vrarë në vitin 2011 po ashtu në pritë, vetëm se në magjistralen e ‘Adriatikut’.
Në fshatin Ibarska Sllatinë të komunës së Leposaviqit, më 4 gusht të vitit 2003, është vrarë me snajper nga persona të pa njohur, ndërsa levizte me makinë, majori i policisë së UNMIK-ut, Satish Menon, shtetas indian.
“Menon është vrarë në orët e mesnatës, me armë zjarri snajper, në rrugën magjistrale Mitrovicë-Leposaviq, në dalje të fshatit Ibarska Sllatina”,- ka thënë atë kohë policia .
Dosja Menon deri më tani ka mbetur enigmë dhe askush nuk ka dal para drejtësie për vrasjen e majorit të policisë së Indisë, që atë botë shërbente për Policinë e UNMIK-ut në Kosovë.
Ndërsa Audrius Senavicius doganieri 35-vjeçar, i EULEX-it, shtetas lituanez është vrarë po ashtu në një pritë, ndërsa një doganier tjetër nga Bulgaria, gjithë ashtu punonjës në misionin Evropian EULEX është plagosur rëndë në fshatin Ballaban të Komunës së Zveçanit.
Incidenti i rëndë ka ndodhur kur dy makina të EULEX-it janë sulmuar në një pritë në magjistralen e ‘Ibrit’, derisa ato ishin nisur për të shkuar në pikalimin kufitare G 1 në Jarinje të Leposaviqit, për të bërë ndërrimin e doganiereve të tjerë që kishin punuar tërë natën.
Aksioni i korrikut i vitit 2011 për shtrirjen e sovranitetit në veri të Kosovës la edhe një viktimë në radhë e policisë.
Viktima e këtij aksioni, polici Enver Zymberi, nuk ishte vrarë nga snajper, por ishte vrarë nga plumbat e serbëve që më 26 korrik e kishin bllokuar rrugën, duke penguar depërtimin e policëve të njësisë speciale në pjesën veriore të vendit.
Të gjitha këto vrasje të ndërkombëtarëve dhe vendorëve deri më tani kanë mbetur enigma e pa zgjidhura për drejtësinë ndërkombëtarë apo vendore që funksionon në Kosovë.
Lidhur me këto raste zëdhënësi i policisë së Kosovës për rajonin e Mitrovicës Avni Zahiti, ka theksuar se të gjitha këto raste janë nënë juridiksionin e EULEX-it. Zahiti ka shtuar se ka pasuar disa arrestime për rastin e Enver Zymberit por diçka më konkrete nuk ka pasuar pasi disa të arrestuar kanë dalë ne gjyq por janë shpallur të pafajshëm.
Zyrtarë të EULEX-it në Mitrovicë lidhur me këto raste dhe se deri ku kanë shkuar hetimet si dhe a ka ndonjë person të dyshuar nuk kanë dashur të flasin. /tesheshi.com/
