Ministri i Punëve të Jashtme të Greqisë Nikos Kotzias ka vendosur të zhvillojë një tur vizitash në disa vende të Ballkanit.
Sipas mediave greke, turi i Kotzias do të nisë në fillim të muajit qershor, ku do të zhvillohet një vizitë Beograd të Serbisë dhe më tej do të vijojë në Shqipëri ku do të zhvillojë takime zyrtare me drejtuesit më të lartë të shtetit.
Turi i ministrit të Jashtëm grek vijon me Kosovën. Më tej dhe Malin e Zi, e më pas dhe do të vazhdojë me një tjetër vizitë në Bosnje dhe Hercegovinë.
Mbyllja e turit do të jetë në Shkup, ku z.Kotzias do të ketë vizitën e fundit zyrtare.
Vizita e z.Kotzias në Shqipëri, pritet të ngjallë interes të lartë, pas anulimit që MPJ grek i bëri samitit të javës së kaluar në Tiranë të SECP, presidencën e të cilës e ka Shqipëria deri në Qershor.
Tirana dhe Athina përballen me probleme serioze sa i përket kufijve detarë. Të dyja qeveritë kanë shpallur tenderë ndërkombëtarë për kërkime nafte dhe gazi në detin Jon, në të njëjtat hapësira ujore. /tesheshi.com/
