Siç shkruan gazeta amerikane The New York Times, duke iu referuar burimeve amerikane, evropiane dhe arabe, pasuesi i fronit saudit, Princi Muhammed bin Salman, i paraqiti presidentit palestinez, Mahmmud Abas, një zgjidhje të re për krizën palestineze-izraelite. “Këtë e tha për një burim të paidentifikuar vetë udhëheqësi palestinez “, shkruan The New York Times.
Gjithnjë sipas gazetës amerikane, iniciativa i jep përparësi interesave izraelite. Shtetin palestinez në bregun perëndimor do ta përbëjnë disa enklava dhe në këtë mënyrë ai do të privohet nga sovraniteti i plotë.
Gazeta më tej shkruan se Abasit i është kumtuar se shumica e njerëzve nuk do të evakuohen, refugjatët palestinezë dhe pasardhësit e tyre nuk do të kenë të drejtë për kthim, ndërsa shteti i ri nuk do të jetë Jerusalemi lindor, por vetëm një pjesë e tij – Abu Dis.
New York Times përcjell deklaratat e disa politikanëve palestinezë, të cilët kanë konfirmuar informacionin mbi presionet e bëra nga princi saudit mbi udhëheqjen palestineze.
Por New York Times deklaron se këtë informacion e kanë mohuar si në shtëpinë e Bardhë ashtu edhe në Riad. Burimet në administratën e SHBA-së kanë njoftuar se Presidenti Donald Tramp është duke përgatitur një nismë të re ndërkombëtare që do të publikohet brenda disa muajsh. /tesheshi.com/
