Mensur Krasniqi
Nuk kanë të ndalur kritikat dhe këshillat e ndërmjetësuesit belg për dalje nga kriza politike në Maqedoni, Piter Vanhojt. Kësaj rradhe ai ka publikuar 14 rregulla “të arta”, për politikanët e Maqedonisë. Sipas tij politikanët gjithmonë duhet të tregojnë të vërtetën dhe asnjëherë nuk duhet ta fshehin nga qytetarët. Poashtu të vërtetën sipas tij duhet ta thonë edhe mediat e vendit, duke aluduar në atë se momentalisht në Maqedoni ka një terr informativ ku partitë në pushtet kontrollojnë 90% të mediave, duke promovuar politikat e qeverisë.
Apeli tjetër i Hojtes për politikanët është që asnjëherë të mos premtojnë atë të cilën nuk mund ta përmbushin. Ai madje ju thotë politikanëve të Maqedonisë që të vozisin biçikletë çdo ditë dhe ti dëgjojnë qytetarët duke rikujtuar ata se nuk duhet të voziten me Mercedeza me xhama të zi, meqë do vijë dita që do braktisin politikën dhe jeta do vazhdon.
Më poshtë i keni 14 rregullat “të arta” të Piter Vanhojt dedikuar politikanëve:
1. Këto rregulla duhet ti mësoni përmendsh, andaj duhet të hargjoni pak kohë
2. Çdoherë ta thoni të vërtetën dhe çdokund ta promovoni të vërtetën
3. Asnjëher mos harroni: Qytetarët kanë të drejtë të dijnë çdo gjë
4. Poashtu edhe mediat
5. Mos i merrni paratë nga shtëpia: Ato ju takojnë qytetarëve!
6. Mos premtoni diçka nëse nuk mund ta realizoni!
7. Duhet të mësoni që të humbni gjatë diskutimeve poashtu edhe në zgjedhje!
8. Duhet të pranoni se sektori jo qeveritarë dijnë 100 herë më shumë se që dini ju, andaj duhet të mbështeteni tek ata sikur të jeni në burimin e parë të dijes
9. Duhet t’ju shërbeni njerëzve, mos lejoni që ata tju shërbejnë juve!
10. Ndërmirni përgjegjësi për gabimet e juaja
11. Ngisni biçikletë çdo ditë dhe dëgjoni njerëzit
12. Kritikoni argumentete, por asnjëher njerëzit!
13. Duhet të mbani mend se për çka është politika: Që të bënë dallim në jetën e qytetarëve, e jo për ju!
14. Mos harroni, ka jetë edhe pas politikës
/tesheshi.com/
