Një zyrtar i lartë saudit ka mbërritur për një vizitë treditore në Shqipëri, me misionin për t’i treguar dhe Tiranës zyrtare se ç’model apo ç’ofertë vlen sidomos në këtë kohë mesazhi që përçoi dhe jeta që jetoi Profeti Muhamed.
Sipas njoftimin zyrtar të KMSH-së, “ka mbërritur në Shqipëri delegacioni nga Mbretëria e Arabisë Saudite, i kryesuar nga Shkëlqesia e Tij, Dr. Abdul-Latif bin Abdul-Aziz Al Shejkh, Ministër i Çështjeve Fetare në Mbretërinë e Arabisë Saudite”.
“Pjesë e axhendës së tij”, thuhet më tej në njoftim, “do të jenë edhe takimet me krerët e shtetit shqiptar, me Presidentin e Republikës, Sh.T.Z Ilir Meta dhe Kryetaren e Parlamentit të Republikës, Zonjën Lindita Nikolla”.
Aty bëhet me dije dhe arsyeja e kësaj vizite.
“Qëllimi dhe axhenda e kësaj vizite është bashkëpunimi midis dy popujve tanë, përputhja e vizionit të të dy palëve rreth rëndësisë së traditës së Profetit Muhamed (s.a.s) si mënyra më e mirë për të përhapur paqen dhe tolerancën ndërmjet popujve, si dhe për të çrrënjosur ekstremizmin dhe terrorizmin me të gjitha llojet dhe burimet e tij”. /tesheshi.com/
