Ministria e Kulturës e Shkupit ka pohuar ditën e sotme se në kryeqytetin e Maqedonisë do të ngrihet një përmendore për shenjtoren me origjinë shqiptare, Anjeze Gonxhe Bojaxhiu, e njohur në të gjithë botën si Nënë Tereza.
Kjo ministri ka hapur sot tenderin për përzgjedhjen e kompanisë që do të ndërtojë përmendoren e shenjtores.
Mësohet se përmendorja do të jetë rreth 32 metra e lartë dhe ndërtimi i saj do të kushtojë 5.1 milionë euro.
Nënë Tereza lindi në Shkup më 26 gusht të vitit 1910 dhe vdiq më 5 shtator 1997 në Kalkuta, (Indi). Ishte humaniste e njohur shqiptare, fituese e çmimit Nobel për Paqen, kurse më 19 tetor të vitit 2003 u shpall e bekuar nga Vatikani.
Nënë Tereza u bë një nga urat ndërlidhëse të njohjes së shqiptarëve në botë. Bill Clinton është shprehur në qershor 2002: “Nënë Tereza, ishte e para Ajo qe më bëri ta dua kombin shqiptar. Dhe tani ndihem shumë krenare që plotësova një detyrë morale ndaj saj dhe ndaj vlerave të lirisë”. /tesheshi.com/
