Më 14 dhjetor 2000, në kafenenë e klubit të tenisit “Pompeia del Montjuic” u nënshkrua një nga marrëveshjet më të rëndësishme (nëse jo më e rëndësishmja) në historinë e futbollit modern.
Një marrëveshje që ndryshoi fatin e Barcelonës dhe mundësoi botën të shijonte një nga yjet më shkëlqimtarë të futbollit: Lionel Messin.
Atë ditë, Leo u “lidh” me katalanasit falë këmbënguljes së Carles Resac, asit veteran të skuadrës, asistentit të Johan Cruyff-it kur holandezi ishte në stol si drejtorit teknik e blaugranasve në atë kohë.
13-vjeçari Messi kishte udhëtuar për në Barcelonë që nga shtatori dhe seancat e tij stërvitore i lanë të gjithë pa fjalë, por atëherë presidenti i klubit Joan Gaspar hezitoi t’i ofronte një kontratë shumëvjeçare.
Me kalimin e javëve, agjentët Horacio Gaggioli (argjentinas) dhe Josep Minghella (spanjoll) filluan t’i bëjnë presion Barcelonës me të parën duke kërcënuar se do ta çonin te Real Madrid.
Dhe presionet bënë që më 14 dhjetor, pas një ndeshje tenisi mes Gaggioli dhe Ressac, në prani të babait të Messit, drejtori teknik i katalanasve e mori mbi vete dhe i qetësoi duke firmosur kontratën e parë.
Dhe, duke mos pasur asnjë dokument zyrtar me vete, Ressac përdori një pecetë nga kafeneja duke shkruar pikërisht aty: “Në Barcelonë, më 14 dhjetor 2000 dhe në prani të zotërinjve Minghella dhe Gaggioli, Carles Ressac, drejtori sportiv i Barcelonës, pajtohet, me përgjegjësinë e tij dhe pavarësisht nga çdo opinion i ndryshëm, të nënshkruajë me lojtarin Lionel Messi, me kusht që të përmbushim shumat e dakorduara.”
Një javë më vonë, Messi nënshkroi kontratën e tij të rregullt dhe filloi të shkruante historinë me fanellën e Barcelonës.
Tani, 24 vjet nga ajo ditë historike, peceta më e famshme është kthyer në qendër të vëmendjes.
Pasi kishte disa vite dyshime për pronarin e saj, u zbulua se i maturi Horacio Gaggioli e kishte ruajtur si sytë e tij.
Agjenti argjentinas që jeton përgjithmonë në Andorra e kishte vendosur në një kasafortë në bankën Credit Andorra.
Kur u bë e ditur se ai është pronar i saj, ai u bë marrës i shumë propozimeve nga e gjithë bota dhe me… shumë zero, megjithatë ai dha përgjigje negative dhe në vitin 2018 në një intervistë kishte treguar se dëshira e tij ishte që t’ia jep muzeut në Barcelonë.
Mirëpo, kontaktet që të dyja palët kishin nisur prej vitesh nuk dhanë kurrë fryte dhe më në fund kasaforta në bankën e Andorrës u hap, megjithatë peceta nuk do të udhëtojë për në Barcelonë, por nga data 18 deri më 27 mars do të vendoset për ankand online nga shtëpia e njohur Bonhams.
Çmimi fillestar është vendosur në 300,000 £ por është pothuajse e sigurt që do të ketë një betejë shumë të madhe dhe numri do të ketë shumë zero të tjera. /tesheshi.com/
