Si qetësues i mrekullueshëm për kollën, falë veçorive antiseptike, finoku kufizon agjentët e jashtëm patogjenë.
Ziejmë ujin në zjarr me një xhezve, duke hedhur gjethet e finokut të grira, aq sa të kapin gishtat. I lëmë për 10 minuta të ziejnë. Masa vendoset në një enë të vogël nga ku mund të marrim frymë duke thither avujt.
Nëse ke infeksion të qepallave të syve, atë mund ta lehtësosh me anën e gjetheve të finokut, masa e qullët e të cilave vendoset mbi qepalla, sigurisht pasi të jenë ftohur, për disa minuta.
Nuk duhet harruar se veprimi antimikrobik i finokut shfaqet kundër një numri të konsiderueshëm bakteresh, si stafilokoku dhe E. Coli.
Finoku këshillohet në përdorimet e dietologjisë për përmbajtjen e tij të ulët kalorike. Ai duhet marrë seriozisht për efektivitetin e tij për rënien në peshë.
Mënyrat e përdorimit:
Grihen mirë gjethet në frulator, duke shtuar ujë pak nga pak.
Mund të konsumosh prej kësaj mase një gotë në ditë.
Mund të veprosh ndryshe e kësisoj mund të pihet një gotë çaj finoku dhe ka të njëjtin veprim tretës.
Një variant tjetër është zierja e farave të finokut dhe konsumimi i çajit të tyre. /tesheshi.com/
