Dihet sa e vështirë është të gjesh vend për të parkuar në qytetet e mëdha, sidomos në orët e pikut. Por kjo nuk justifikon atë që ka bërë një nënë në Kuala Lumpur. Ajo ka lënë fëmijën e saj 5 vjeç për rreth 20 minuta në një vendparkim që t’i mbante vendin derisa të sillte makinën për ta parkuar.
Me sa duket, e ëma kishte parkuar diku larg dhe kur ka parë se vendi ishte i lirë ka vendosur ta lerë të birin “roje” deri sa të kthehej.
Kalimtarë të ndryshëm e kanë pyetur famijën nëse ishte mirë dhe pse ishte ulur aty, kur ai u është përgjigjur se ishte e ëma që i kishte kërkuar të rrinte aty.
Nuk dihet nëse kalimtarët i kanë thënë gjë nënës së fëmijës, por në momentin që fotoja është bërë publike online ka plasur një lumë kritikash ndaj nënës. “Çfarë do të ndodhte nëse dikush do të ishte përpjekur të parkonte mbrapsht,” shkruante dikush. “Ka qenë me fat që nuk e kanë ngacmuar apo më keq akoma, ta kishin rrëmbyer.” /tesheshi.com/
