Kishte lënë makinën e saj në një vend parkimi jashtë spitalit për arsye emergjence, fëmija e saj ishte sëmurë. Por policia nuk deshi të mësonte asnjë arsye dhe e gjobiti. Në dalje të spitalit gruaja pa se përveç gjobës, në makinën e saj ishte lënë edhe një letër.
Historia vjen nga Australia në Canberra dhe në letrën shkruar gruas lexohej, “Pashë se në makinën tënde kishte një gjobë për parkim të gabuar. Jam i sigurt se gjithçka po kalon në spital është mjaft e rëndë, kështu që vendosa të paguajë unë në vendin tënd”.
Është kjo letra e rrallë e humanitetit, që nuk ndodh shpesh në ditët e sotme, por që gruaja e publikoi në Instagram, si shenjë falenderimi për personin anonim dhe gjestin e tij human./tesheshi.com/
