Asgjë e papritur, çdo gjë e parashikueshme!
Gruaja në krye të diplomacisë europiane, Federica Mogherini, lajmëroi hapjen e negociatave për anëtarësim me BE-në për Shqipërinë dhe Maqedoninë, një moment që Tirana zyrtare, më saktë mazhoranca, e ka pritur e ëndërruar me kohë.
“Sot komisioni rekomandon që këshilli të vendosë që të hapë negociatat për anëtarësim me Shqipërinë dhe me ish-republikën jugosllave të Maqedonisë. Po kështu po punojmë për një opinion për kërkesën e Bosnje-Hercegovinën dhe gjithashtu me autoritetet kosovare po punojmë për një progres të mëtejshëm në bazë të marrëveshjes stabilizim-asocimit që kemi me ta. Natyrisht vazhdojmë dhe personalisht vazhdoj që të lehtësoj dialogun për normalizimin e marrëdhënieve midis Beogradit dhe Prishtinës, përfshirë dhe për arritjen e një marrëveshjeje ligjore”, tha Mogherini.
Nga ana tjetër, kolegu i saj, Komisioneri për Zgjerim, Johanes Hahn përmendi disa nga arritjet e dy vendeve, duke veçuar vettingun për Shqipërinë.
ezultate të prekshme në Vetting dhe në reformën në drejtësi. Ky vlerësim është marrë në bazë të analizës tonë faktike. Dy vendet kanë bërë shumë gjatë dy muajve të fundit. Por nuk ka kohë për vetëkënaqësi, ende nuk jemi aty ku duhet, por jemi në rrugë të mbarë. Shqipëria duhet të vijojë reformat te 5 përparësitë, nga lufta krimit dhe korrupsionit te të drejtat e njeriut. Rekomandimi për Shqipërinë është i justifikuar”, theksoi Hahn.
Kjo mund të konsiderohet dhe si fitorja më e madhe e Ramës në politikën e jashtme, edhe pse në atë të brendshmen ballafaqohet me acarim raportesh politike. /tesheshi.com/
