Krerët e Beogradit dhe Shkupit janë takuar në kryeqytetin serb, ndërkohë që atje po qëndron kryespiuni rus, Nikollai Petrushev, i cili ndodhet me një mision special të ngarkuar nga Vladimir Putin, e që po mbahet sekret.
Deri tani, si indikator i takimit mes Tomislav Nikoliqit dhe Gjeorgje Ivanovit ka qenë pikërisht axhenda e fortë antishqiptare.
Presidenti serb,Nikoliq i ka dhënë një mbështetje të fortë partisë së Nikolla Gruevskit në një takim që ka zvilluar në Beograd me homologun maqedonas, Gjeorgje Ivanov, të cilin nuk e njohin si president asnjë forcë politike përveç VRMO-DPMNE-së.
Nikoliq, në kuadër të zgjedhjeve të dhjetorit ka dhënë një mbështetje të hapur nga Beogradi, duke theksuar se stabiliteti i Maqedonisë lidhet direkt me atë të Serbisë.
Ndërkaq, Ivanov ka premtuar indirekt se nëse fiton zgjedhjet partia e tij, qeveria e ardhshme do të vtojë kundër Kosovës për pranimin në UNESCO.
Ivanov deklaroi se qeveria e re që do të vijë në pushtet pas zgjedhjeve të 11 dhjetorit duhet të rishikojë të gjithë vendimet e vjetra që janë marrë.
Nëntorin e shkuar Maqedonia ka votuar pro hyrjes së Kosovës në UNESCO. /tesheshi.com/
