Ka ndërruar jetë në moshën 70 vjeçare poeti e shkrimtari shqiptar i Kosovës, Gani Xhafolli.
“Ganiu, me veprat e tij letrare, do të mbetet një zë i rëndësishëm i letërsisë shqipe, sidomos i asaj për fëmijë. Ai, me vargjet e tij, të shkruara me dashuri për jetën dhe të bukurën, fitoi shumë e shumë lexues, të cilët do ta përkujtojnë përgjithmonë”, shprehet ministri kosovar i Kulturës, Kujtim Shala, në një telegram ngushëllimi.
“Bota akademike, e sidomos bota e fëmijëve do të dëshironte të ndjejë edhe më tutje risitë e shpirtit dhe pendës së poetit. Prandaj, ndarja nga jeta e z. Xhafolli është një humbje e madhe për Kosovën”, shprehet Arsim Bajrami , ministër i Arsimit, Shkencës dhe Teknologjisë.
Gani Xhafolli u lind në fshatin Drenovc afër Prishtinës në vitin 1945. Mes tjerash punoi në Radio Televizionin e Prishtinës prej vitit 1979 redaktor në programin për fëmijë deri në 1990, kur pushteti okupues i Beogradit e dëboi me dhunë nga puna së bashkume 1340 punëtorë të RTP-së.
B.Jashari
