Ndërron jetë, në moshën 89-vjeçare ish-ministri i Jashtëm gjerman, Hans-Dietrich Genscher, i cili ka luajtur një rol kyç në ribashkimin e vendit të tij në vitin 1990, vdiq mbrëmjen e djeshme në moshën 89-vjeçare.
Ish-kryetari i Partisë Liberale dhe kreu i diplomacisë gjermane për një periudhë 20-vjeçare vdiq nga një atak kardiak.
Genscher ishte ministër i Jashtëm për 17 vjet, nga 1974 deri në vitin 1992, fillimisht me kancelarin socialdemokrat, Helmut Schmidt dhe më pas me atë kristiandemokrat, Helmut Kohl.
Mbetet historik fjalimi i tij i 30 shtatorit të vitit 1989 nga ballkoni i ambasadës gjermane në Pragë ku njoftoi rikthimin në atdhe, para më shumë se 4 500 qytetarëve të ish-RDGJ-së, të cilët ishin larguar nga vendi.
“Jemi këtu për t’ju informuar se sot, mundësia juaj e çatdhesimit, është bërë e mundur”, deklaroi në atë kohë Genscher.
Hans-Ditrich Genscher ka qenë edhe ministër i Brendshëm i Gjermanisë në vitet 1969-74.
Genscher ka qenë mjaft popullor në Shqipëri pasi drejtoi negociatat për rishikimin e marrëdhënieve.
Në vitin 1992 qeveria e atëhershme i vuri sheshit të Elbasanit emrin e Genscher-it.
/tesheshi.com/
