Kuvendi i Kosovës sot ka vendosur të mbajë seancë të jashtëzakonshme për ndalimin e Haradinajt në Slloveni.
Tashmë kanë nisur diskutimet për këtë ngjarje nga deputetët.
Shaip Muja e ka quajtur të turpshëm reagimin e shtetit karshi shkeljes së të drejtave të Haradinajt, në Slloveni.
“Ne duhet shumë shpejtë të shohim çdo ratifikim që e kemi bërë me Slloveninë dhe t’i anulojmë dhe kërkoj në këtë seancë të sillen të gjitha ratifikimet që i kemi nënshkruar me Slloveninë”, ka thënë Muja.
“Duhet t’i ngrijmë të gjitha raportet dhe të bëjmë një aktakuzë drejtuar kryeprokurorit të Republikës së Kosovës dhe ta padisim Vuçiçin, Daçiçin dhe të gjithë ata që i fshehin krimet që janë bërë karshi viktimave kosovare”, është shprehur më tej Muja. /tesheshi.com/
