Vetëm pak orë më parë, në “Quicken Loans Arena,” Cleveland Cavaliers i ka shkaktuar humbjen e parë Golden State Warriors-it në serinë e ndeshjeve të playoff-it të kampionatit amerikan të basketbollit.
Vetëm pak orë më parë, Cleveland i ka dhënë vetes mundësi të shpresojë se, siç mundi të pëmbysë një seri humbjesh 3-1 në finalet e sezonit të shkuar, ka ende shpresë se mund ta përmbysë tani dhe një seri humbjesh 3-0. Ndaj të njëjtit ekip: Golden State Warriors-it!
Për Clevelandin kishte vetëm një alternativë para kësaj finaleje të katërt ndaj Golden State-it: ja vazhdim, ja mbarim!
Në një përplasje fizike, Cleveland fitoi 137-116, me rezultatin e përgjithshëm që shkon në 3-1 për Golden State-in.
Një lojë e mrekullueshme për vendasit, që në çerekun e parë shënojnë 49 pikë, siç nuk kishte bërë asnjë ekip tjetër deri më sot në fazën finale të NBA-it.
Ky ishte Cleveland-i që donin të shikonin të gjithë. Ka ardhur me vonesë, por gjithsesi është kthyer, për ta bërë akoma më dramatike ndeshjen e pestë të finaleve, të së hënës, në Oakland.
Cleveland-i qe fitues në të katër çerekët e lojës: 49-33, 37-35, 29-28, 22-20.
Irving qe i jashtëzakonshëm me 40 pikët e tij; LeBron James do të shënonte më pak, 31 pikë, por do të kishte 11 asiste dhe 10 ribaunde.
Ç’ekip do të jetë kampion i NBA-it me dy finalistë të njëjtë në të tretin sezon? Golden State Warriors apo Cleveland Cavaliers? Ka ende rrugë përpara, asgjë nuk ka mbaruar! /tesheshi.com/
