Me qeverinë e re të Zaevit në Maqedoni, të gjithë sektorët po nisin të nxjerrin atë që e kanë mbajtur të “fshehur”, ose të heshtur prej vitesh, nën Gruevskin. Kështu, është bujqësia ka dhënë alarmin se nuk i ka mirë hiç punët, ndëkohë që nën VMRO-në nuk bzanin. Shoqatat bujqësore, në takimin e parë me ministrin e bujqësisë, Lupço Nikolovski u ankuan se prej vitesh dalin humbje, se produktet i shesin nën çmimin prodhues, ndërsa thanë gjithashtu se për shkak të kushteve të motit ky vit do të ketë rendimente katastrofale e përmbi të gjitha nuk do të ketë as drith vendor.
Ata kërkuan që të mos vonohet pagesa e subvencioneve të bujqve, që çmimi i grurit të jetë i pandryshueshëm, dhe në rast se nuk ka bereqet ministria përsëri t’ua paguajë mjetet e harxhuara bujqve. Këto janë disa nga kërkesat që shoqatat e bujqve i kërkuan ministrit të ri të Bujqësisë, Nikollovskit. Ata gjithashtu kërkuan ndërmjetësim nga qeveria që bankat t’ua shtyjnë pagesën e kredive të mara për makineri. Një pjesë e bujqve kërkojnë që qeveria e re të mos lejojë as që gruri të blihet me çmim shumë të ulët.
“Vitin e kaluar grurin e shitëm për pesë denarë; e nëse edhe këtë vit është ashtu, atëherë më mirë të mos merremi me bujqësi. Blerësit tanë i shantazhojnë bujqit. Ata masin hektolitrin e grurit, ndërsa nuk dinë ta bëjnë. I thonë i ke 70 hektolitra, ndërsa ai i ka 80. Kjo duhet të tejkalohet”, tha bujku Dragan Miçkovski.
Ishim në gjendje që në fund të marrim çmim qesharak prej 8 denarëve për kilogram. Ne dhe ministria nuk duhet të lejojmë që çmimi i grurit të bie nën 12 denar për kilogram”, tha kryetari i Federatës së Fermerëve Nikola Stamenov.
Dhe siç thonë, ata presin një vit ekstrem të keq, dhe për këtë shkak kërkojnë angazhim nga Ministria e Bujqësisë për tejkalimin e problemeve që i presin.
“Së pari do të kërkojmë që të paguhen të gjitha subvencionet dhe më pas të formohen komisione për vlerësimin e dëmeve. Nëse vlerësohet se ka dëme dhe nuk do të munden të korrin grurë, atëherë do të kërkojmë që të na paguhen mjetet e harxhuara, të lirohen nga pagesa e ujit dhe të mos paguajnë tokën shtetërore ”, tha Eftim Shaklev.
Ministri Nikolovski nga ana e tij paralajmëroi rishikim të punës së agjencisë për nxitjen dhe zhvillimin e bujqësisë.
Ai premtoi se në seancën e ardhshme qeveritare do të trajtohen të gjitha këto masa, siç theksoi që gjithçka të kthehet në favor të bujqve.
Nikolovski shton se shteti në llogaritë e bujqve duhet të paguajë edhe 570 mijë euro në emër të subvencioneve, ndërsa premtoi se për vitin e ardhshëm për këtë sektor do të sigurohen 160 milion euro. /tesheshi.com/
