Kryeministri Rama ka vijuar me denoncimin e klientelizmit të LSI-së, e njohur si parti e punësimit në administratë në këmbim të votës, duke thënë se kjo epokë duhet të marrë fund. Nga Librazhdi, ai u ka drejtuar një lutje njerëzve që me një votë PS-së, pra drejtimit me një timon të qeverisjes, të bëhet e mundur reformimi i administratës dhe modernizimi i vetë shtetit.,
“….25 qershori është një moment shumë i rëndësishëm që mund ta kthejmë në një vendim historik për Shqipërinë që duam. Në një vendim për të shkuar në votime, jo të ndarë, por të bashkuar me bindjen se është koha për t’u ndarë nga politika që merr peng administratën dhe nga partitë që marrin peng zyra dhe tërheqin zvarrë popullin.
Është koha për të vendosur për t’i dhënë fuqinë e plotë për të qeverisur dhe autonominë për të mbajtur timonin e reformave PS.
Është koha për të vendosur së bashku që në 4 vitet e ardhshme të ndërtojmë një administratë shtetërore që të jetë krenari dhe jo turp.
Është koha për t’i dhënë PS një mandat të plotë për ta rritur ekonominë si asnjëherë më parë dhe për të na dhënë mundësinë të luftojmë siç luftuam për reformën në drejtësi, për ta çuar ekonominë mbi 5% rritje dhe për ti dhënë mundësi të gjithëve për punë.
Këtoi janë të thjeshta nëse na jepni timonin e qevrisë pa na ulur të tjerë në prehër…”, tha Rama. /tesheshi.com/
