Aleanca e Atlantikut të Veriut do të nisë të enjten manovrat më të mëdha ushtarake në Europë që ka zhvilluar që pas Luftës së Dytë Botërore.
Siç mësohet nga burime të Ministrisë së Mbrojtjes së Shqipërisë: nga data 20 gusht deri më 13 shtator njëkohësisht në Gjermani, Rumani, Bullgari dhe Itali do të mbahet trajnimi më i madh ajror shumëkombësh i desantit në Evropë pas fundit të Luftës së Dytë Botërore. Qëllimi i trajnimit, i cili do të zhvillohet nga SHBA-ja, është integrimi i forcave të anëtarëve të veçantë të NATO-s, që të gjithë ata të mund të operojnë dhe të mund të reagojnë së bashku në mënyrë efektive ndaj ndryshimeve në sigurinë në tërë territorin e Aleancës. /tesheshi.com/
