Forcat e NATO-s të dislokuara afër Rusisë, nuk janë të krahasueshme me forcat e dislokuara ruse pranë saj – është thënë nga Aleanca. Kjo, si reagim ndaj pretendimeve të presidentit Putin, sipas së cilit forcat e NATO-s në Evropën Lindore po kërcënojnë Rusinë.
NATO lëviz infrastrukturën e saj ushtarake pranë kufijve të Rusisë, dhe kjo është arsyeja pse Rusia ka nevojë për të forcuar infrastrukturën e saj – tha Vladimir Putin të mërkurën, në një konferencë shtypi pas bisedimeve me presidentin finlandez Sauli Niinisto.
Ai shtoi se NATO refuzon të diskutojë rregullat për fluturimet ushtarake.
“Veprimet e NATO-s janë mbrojtëse, proporcionale dhe në përputhje të plotë me detyrimet tona ndërkombëtare”, tha zëdhënësja e NATO-s, Oana Lungescu.
“NATO ka dërguar 4.000 trupa në pjesët lindore të Unionit, me qëllim të dekurajimit çdo agresion të mundshëm. Në kontrast, Rusia ka njësi në Ukrainë, Gjeorgji dhe Moldavi, në kundërshtim me vullnetin e qeverive të këtyre vendeve”, thotë Lungesku.
Gjithashtu, pohimet e Putinit se NATO refuzon të diskutojë rregullat për fluturimet ushtarake janë mohuar.
“Sa për aviacionin, ne diskutuam sigurinë e hapësirës ajrore Balltike në takimet e Këshillit NATO-Rusi”, tha Lungesku. /tesheshi.com/
