Themeluesja e Fondit për të Drejtën Humanitare, Natasha Kandiç, i ka bërë thirrje presidentit Hashim Thaçi që t’ua mundësojë serbëve të Gjakovës që sivjet ta vizitojnë kishën.
“Ju lus që personalisht që të angazhoheni në mënyrë që serbët nga Gjakova, më 28 gusht 2018 të mundë ta vizitojnë kishën dhe shtëpitë e veta dhe të mos i nënshtrohen poshtërimit sikur në vitin e shkuar”, ka thënë Kandiç në një letër të botuar nga Danas.
Ajo në letër ka theksuar se përpjekja e Thaçit për pajtim ndërmjet serbëve e shqiptarëve dhe për” Kosovën shtet multietnik”, ka përkrahjen e bashkësisë ndërkombëtare dhe të shoqërisë civile, por kjo has në mosbesim te serbët e Kosovës që jetojnë në Serbi.
Kandiç, në tekstin e shkurtër ka përkujtuar edhe, siç ka shkruar, se si më 13 qershor 1999 kishte qenë në Gjakovë dhe se si atje i shihte shqiptarët e frikësuar nga policia serbe dhe mjekët duke mbledhur të holla për policinë dhe për paramalitarët që të paguanin për jetën e tyre, se ajo u kishte ndihmuar sa kishte mundur dhe se kurrë nuk ka marrë një falënderim. /tesheshi.com/
