Pasi e gjithë bota mësoi për arrestimin e tij për shkak të një ore të bërë në shtëpi, e cila u ngatërrua me një bombë, pezullimi nga shkolla dhe ftesa nga Shtëpia e Bardhë me shumë kërkesa ndjese nga ana e Presidentit të Amerikës, Barack Obama, 14 vjeçari mysliman Ahmed Mohamed ka vendosur se nuk do të frekuentojë më liceun në Texas.
Babai i Ahmed, shkruan Guardian, ka hequr nga shkolla edhe vëllezërit e 14- vjeçarit dhe ka deklaruar se gjatë këtyre ditëve është duke u menduar në lidhje me mënyrën se si do të edukohen fëmijët e tij.
Ahmed “ka thënë se nuk do të shkojë më në MacArthur”, ka deklaruar babai për Dallas Morning News. Ai shton: “Këta fëmijë nuk do të mund të jenë më të lumtur në këtë shkollë”. Arrestimi dhe pezullimi i përkohshëm nga shkolla kanë shqetësuar Ahmedin, i cili prej disa ditësh ka shfaqur probleme edhe me ushqimin dhe gjendjen e humorit, tregon i ati.
“Foli me ne dhe na bëri të ndihemi shumë konfuzë”,- thotë babai, duke shtuar se të shumta kanë qenë institutet që i kanë ofruar një vend 14-vjeçarit. Mohamed ka bërë me dije se shumë shpejt do të çojë të birin për pelegrinazh në Mekë, në Arabinë Saudite. “I kërkova tim biri të bekojë këtë moment. Më pas do të shikojmë se çfarë do të bëjmë”./tesheshi.com/
