Këshilli për Marrëdhëniet Amerikano-Islame (CAIR), një organizatë muslimane për të drejtat civile, kritikoi qeverinë amerikane për mosadresimin e vrasjes së amerikanëve nga Izraeli në Gaza dhe Liban.
Dënimi vjen pas një sulmi ajror të fundit izraelit në Liban që dyshohet se vrau shtetasin amerikan Kemal Jawad.
“Vetëm politika dhe racizmi mund të shpjegojnë modelin e neveritshëm të indiferencës së administratës Biden ndaj amerikanëve me ngjyrë të vrarë nga qeveria izraelite – nga gazetarja Shireen Abu Akleh te Aysenur Ezgi Eygi dhe Kemal Jawad”, tha CAIR në një deklaratë.
“Çdo anëtar i ekipit të politikës së jashtme të administratës Biden duhet të ketë turp nga vetja që ka mundësuar krimet e luftës të Izraelit kundër qytetarëve amerikanë dhe civilëve të tjerë të panumërt.
Ne nuk presim që kjo administratë e pashpirt dhe bashkëpunëtore të bëjë asgjë për t’i mbajtur vrasësit e Kemalit përgjegjës dhe nuk kërkojmë më prej tyre që t’i trajtojnë muslimanët amerikanë të vrarë jashtë vendit si qenie njerëzore të denja për mbrojtjen e SHBA-së.” /tesheshi.com/
