Kryeministri i Kosovës, Isa Mustafa, ka paralajmëruar se Qeveria do ta procedojë përsëri në Kuvend çështjen e themelimit të Gjykatës Speciale.
“Qeveria e Republikës së Kosovës do të angazhohet që të përmbushim detyrimet ndërkombëtare që kanë të bëjnë me themelimin e Gjykatës Speciale.
Jemi përcaktuar që të ndërtojmë një shtet me perspektivë evropiane dhe euroatlantike. Në këtë proces ne do të tregojmë seriozitetin tonë për përmbushje të marrëveshjeve ndërkombëtare të aprovuara në Kuvendin e Kosovës, e të cilat kanë fuqi të veçantë kushtetuese.
Pas konsultimeve me ekspert juridik, për neser kam ftuar mbledhjen e Qeverisë për të proceduar me zgjidhje të caktuara”, ka shkruar Mustafa, në profilin e tij në Facebook.
