Ish-presidenti i Milanit e ish-kryeministri i Italisë, Silvio Berlusconi, nuk i ka kursyer kritikat për mungesën e vendit të tij në Botërorin Rusi 2018.
“Është dicka e pafalshme dhe e dëmshme për imazhin e Italisë. Në Rusi ka shumë njerëz e sipërmarrje që mirëpresin produktet Made in Italy, vlera e të cilave ka rënë ndjeshëm” – është shprehur Berlusconi.
Sipas tij, largimi i Taveçhios dhe Venturës ishin veprime të pashmangshme, por ish-presidenti i Federatës dhe ish-trajneri, nuk janë fajtorët e vetëm.
“Futbolli italian ka vite që është dobësuar, e askush nuk ka ndërhyrë që kjo të ndalojë. Klubet nuk po veprojnë mirë, sepse shohin vetëm fitimin e tyre, jo cilësinë sportive. Nuk është faji i të huajve sic thonë një pjesë. Në kohën time, kishte të huaj të shkëlqyer, po krah tyre ishin lojtarë të mrekullueshëm italianë. Mjafton t’ju kujtoj Gulit, Rijkard, Van Basten, Shevçenko, Kaka…e krah tyre, të mëdhenjtë Baresi, Tasoti, Albertini, Maldini, Gatuso apo Inzaghi. Kjo duhet bërë edhe tani, e lojtarët italianë të mos largohen nga klubet apo të ndërrohen në çdo ndeshje, por duhet të marrin besim” – ka qenë reagimi i ish-presidentit të Milanit. /tesheshi.com/
