Manchester United ishte shumë afër të nënshkruante me futbollistin spanjoll Pedro Rodriguez. Madje mediat në Britani e kishin raportuar si të kryer transferimin e Pedritos tek “Djajtë”. Por, në momentin e fundit ka ndërhyrë skuadra londineze Chelsea, me ç’rast e ka bërë për vete lojtarin.
Pedro është futbollist i klubit Chelsea. Targeti i Manchester United ka përfunduar në duart e pronarit Roman Abramovich që ka paguar 27 milionë euro plus tri të tjera bonuse për të siguruar shërbimet e sulmuesit spanjoll. Në këtë mënyrë, Jose Mourinho i ka rrëmbyer lojtarin Luis van Gaalit që tani duhet të mendojë të peshkojë në ndonjë vend tjetër. /tesheshi.com/
