Përfaqësuesja në largim e BE-së për Punë të Jashtme dhe Politikë të Sigurisë, Federica Mogherini i ka shprehur dashamirësi popullit turk me rastin e përvjetorit të tentativës për grusht shteti.
“Solidariteti ynë me popullin turk është i padiskutueshëm”, tha Mogherini para mbledhjes së Këshillit të Marrëdhënieve me Jashtë që do të mbahet në Bruksel me pjesëmarrjen e ministrave të Jashtëm të vendeve anëtare të BE-së.
Ajo kujtoi se para pak kohësh ka folur me ministrin e Jashtëm të Turqisë, Mevlut Cavusoglu në lidhje me aktivitetet e Turqisë në Mesdheun Lindor.
“Në fjalimin tim fillova duke u kujtuar se jemi në solidaritet të plotë me popullin turk. Sot është përvjetori i tretë i tentativës për grusht shteti ne nuk i harrojmë ngjarjet e asaj dite dhe asaj nate. Solidariteti ynë me popullin turk është i padiskutueshëm”, u shpreh ajo.
Grusht shteti i dështuar, i orkestruar nga qarqet brenda ushtrisë turke, la të vdekur 251 persona dhe plagosi rreth 2.200 të tjerë.
Në më pak se 48 orë, vendi arriti të shmang marrjen e pushtetit nga ushtria dhe rivendosi strukturat në vend.
Pas kësaj, Turqia ka bërë arrestime masive të të gjithë të dyshuarve për të cilët thuhej se mund të qëndronin pas projektimit të grusht shtetit.
Ky veprim është kritikuar nga BE-ja, duke i dhënë vëmendje më shumë se ngjarjes që rrezikoi demokracinë e një shteti prej 82 milion banorësh. /tesheshi.com/
