Alketa Pere, një nga mjeket e Onkologjikut që dyshohet e përfshirë në një aferë korruptive që po hetohet nga Prokuroria, pati një prononcim për mediat, duke thënë se duhen hetuar spitalet private e jo ajo.
“Kurrë në jetën time nuk kam thënë që të shkojnë në spitale private. Pacientët më kancer duhet të trajtohen në Spitalin Onkologjik.
Duhet të hetohen të gjitha spitalet private për aktivitetin që bëjnë, falenderoj dhe prokurorin për punën e bërë sepse duhet një ndryshim thelbësor në onkologjik.
Sot kam ardhur të mbroj veten. Jam komplet e pafajshme. Unë nuk punoj në asnjë klinikë private”, tha e revoltuar para gazetarëve mjekja në fjalë.
Ndërsa mjeku Edmond Gashi refuzoi që të fliste gjatë për mediat, duke thënë shkurt se ai “bënte vetëm punën e tij”.
Pretendohet se mjekë të Onkologjikut kanë abuzuar me pacientë që kërkojnë trajtim për kancer, duke përfituar shuma prej tyre në një lloj marrëdhënie me spitalet private, duke i çuar atje për marrë shërbime. /tesheshi.com/
