Deri kohët e fundit, nuk dukej se do të mbaronte suksesi i Jack Ma. Multimilioneri kinez dhe themeluesi i Alibaba-s, i cili doli në pension nga pozicioni i lartë i kompanisë, po përgatitej të dilte publik në bursën e kompanisë së tij Ant Group, e cila është e njohur më shumë për platformën dixhitale të pagesave Alipay.
Duke dalë në publik, analistët vlerësuan se pasuria e tij do të rritet me 27 miliardë dollarë shtesë, por para IPO, Ma bëri atë që nuk duhej të kishte bërë – ai kritikoi qeverinë.
Jack Ma kritikoi organet rregullatore të vendit më të populluar në botë për, siç tha ai, mbytjen e inovacionit.
Pas kritikave të tij, IPO e Ant Group u ndalua, e cila tani është nën vëzhgimin e rregullatorëve të cilët po kërkojnë nga kompania të ndryshojë praktikat e biznesit.
Pasuritë e themeluesve të Alibaba nuk u rritën me 27 miliardë dollarë, por ai humbi më shumë se 10 miliardë dollarë sepse filloi një hetim kundër Alibaba-s për shkak të një monopoli.
Prej atëhere, ai u zhduk, dmth. ai nuk u shfaq në publik e as postoi asgjë në mediat sociale.
Thashethemet për zhdukjen e tij filluan të qarkullonin përsëri në nëntor kur ai nuk u shfaq në episodin e fundit të shfaqjes së tij të talenteve “Africa`s Business Heroes” dhe u zëvendësua nga Lucy Peng nga Alibaba.
Media pastaj njoftoi se ai nuk mbërriti për xhirime për shkak të orarit të ngjeshur, por emri i tij u hoq nga faqja e asaj shfaqjeje, dhe ai nuk ishte as në video promovuese të transmetuar gjatë episodit, e cila ishte e çuditshme për shumë, shkruan Reuters.
Pasi filloi një hetim kundër Alibaba-s dhe thuhet Ma thuhet se u këshillua të qëndronte në Kinë, por nuk dihet se ku ndodhet aktualisht dhe çfarë po bën. /tesheshi.com/
