Mirosllav Lajçak, Ministër i Jashtëm sllovak dhe ish-Presidenti i Asamblesë së Përgjithshme të KB, është propozuar si i dërguari i ri i kësaj organizate ndërkombëtare për Saharanë Perëndimore.
Pra, politikanin dhe diplomati i njohur i Bratislavës, i cili deri pak kohë më parë drejtoi dhe OSBE-në, pasuar tani nga Rama, nuk do jetë i dërguari i BE-së për Kosovën, siç dhe përflitej e pritej.
Emërimi i tij do të konfirmohet në javët e ardhshme, shtuan burime për France Presse.
I dërguari i kaluar i KB për Saharanë Perëndimore, e okupuar nga Fronti Polisario dhe Maroku, ishte ish-Presidenti gjerman Horst Koehler, 76 vjeç, i cili dha dorëheqjen në maj për arsye shëndetësore.
Sekretari i Përgjithshëm i KB, Antonio Guterres e pati një detyrë të vështirë për të gjetur pasardhësin e tij, pasi disa politikanë të shquar me të cilët ai kontaktoi refuzuan ofertën ose nuk u përgjigjën për ato që imagjinuan nga palët në konflikt, thanë të njëjtat burime.
Pas një ndërprerje të gjatë të dialogut, Horst Koehler arriti të sillte Marokun, Front Polisario, Algjerinë dhe Mauritaninë në tryezën e rrumbullakët në Zvicër, së pari në dhjetor 2018 dhe më pas në mars 2019, por nuk bëri përparime të mëdha.
Mirosllav Lajçak, 56 vjeç, ka mbajtur pozicione të ndryshme në diplomacinë sllovake përgjatë gjithë karrierës së tij derisa u bë Shefi i saj, në Bashkimin Evropian dhe në KB, ku kryesoi Asamblenë e Përgjithshme nga shtatori 2017 deri në shtator 2018. Ai më vonë u kthye në postin e tij si Ministër i Jashtëm.
Në vitin 2006, ai negocioi, organizoi dhe mbikëqyri referendumin për pavarësinë e Malit të Zi në emër të BE-së, dhe në vitin 2007 u emërua Përfaqësues i Lartë i bashkësisë ndërkombëtare në Bosnjë.
Saharaja Perëndimore, një ish-koloni spanjolle, ishte, deri në vitin 1991, skena e një konflikti që përfshin Marokun, i cili aneksoi territorin në 1975, dhe Frontin Polisario, i cili, me mbështetjen e Algjerisë, kërkon pavarësinë e zonës së shkretëtirës 266,000 kilometër katror.
Në shtator 1991, u nënshkrua një armëpushim i sponsorizuar nga KB, e cila bëri thirrje për një referendum mbi vetëvendosjen brenda gjashtë muajve, por që nga atëherë është shtyrë pasi Rabat dhe Polisario nuk mund të pajtoheshin për përbërjen e elektoratit dhe statusin e territorit.
Maroku kundërshton çdo mundësi për një referendum dhe çdo zgjidhje për Saharanë Perëndimore përveç autonomisë nën sovranitetin e saj.
KB ka rreth 240 Helmeta Blu (MINURSO) në zonë, të cilat monitorojnë respektimin e armëpushimit në patrullimet e saj ajrore dhe tokësore. /tesheshi.com/
