Ishin miq prej një jete të tërë dhe bashkë kanë ndarë momentet më të bukura e më të këqia të jetës. Këto katër çifte miqsh, të cilët nuk ndahen kurrë prej 20 vitesh, kanë vendosur të jetojnë sa më afër njëri-tjetrit e sa më afër nënës natyrë.
Çfarë kanë bërë? Një gjë shumë të thjeshtë. Kanë bërë bashkë paratë e tyre dhe kanë ndërtuar një fshat të vogël vetëm për vete. Fshati i tyre quhet “Llano Exit Strategy” dhe përbëhet nga 4 shtëpi të vogla, të cilat ndodhen në afërsi të lumit Llano, në periferi të qytetit Austin, në Texas.
Secila prej këtyre banesave kushton vetëm 40 mijë dollarë. Në çdo kabinë ka nj shtrat martesor, një divan, një tualet dhe një kuzhinë të vogël për të gatuar. “Është një projekt me ndërtesa tepër komode dhe bashkëkohore, por që nuk kushton shumë”,- ka thënë arkitekti Matt Garcia. Një veçanti, që i lidh këta njerëz dhe banesat e tyre me natyrën, është se secili nga shtratet mund të mbledhë deri në 5 mijë litra ujë shiu, i cili përdoret për funksione të ndryshme./tesheshi.com/
