Operacioni në Lazarat për kapjen e personave që qëlluan mbi policinë po merr përmasa të ngjashme si ai i një viti më parë. Një zyrtar i Ministrisë së Brendshme bëri të ditur se rreth 400 forca të policisë, RENEA-s dhe FNSH-së kanë rrethuar fshatin Lazarat, pas vrasjes së një efektivi dhe plagosjes së dy të tjerëve.
Përmes një komunikate për shtyp, zëdhënësi i MPB deklaroi se forcat speciale janë pozicionuar dhe mbajnë nën vëzhgim çdo lëvizje që ndodh në fshat.
Në pikat hyrëse dhe dalëse të Lazaratit, deri para një viti zonë e kultivimit dhe përpunimit të hashashit, janë ngritur postoblloqe.
/tesheshi.com/
