Ministri i Industrisë dhe Teknologjisë i Republikës së Turqisë, Mustafa Varank, deklaroi se vendi do të pozicionohet si një forcë e rëndësishme në fushën e teknologjisë hapësinore dhe ekonomisë.
Ministri Varank komentoi mbi Programin Kombëtar të Hapësirës, i cili sipas tij ishte një lloj udhërrëfyesi për zhvillimin e Turqisë në këtë sektor në dekadën e ardhshme.
“Turqia ka përgatitur një program përparimi që do ta ngrejë vendin mbi aftësitë e saj aktuale në teknologjinë hapësinore dhe ekonominë,” tha Varank, duke shtuar se nuk ishte ekzagjerim të thuash se Turqia ishte tashmë një fuqi hapësinore, pasi ishte një nga pak vende për të zhvilluar dhe prodhuar satelitë.
Duke kujtuar se agjencia turke e hapësirës u krijua në 2018 me vendim të Presidentit turk Rexhep Tajip Erdogan, Varank tha se vendi do të dërgonte një grua astronaute në hapësirë në përputhje me njoftimin e Erdogan për një mision në hapësirë.
Ministri turk Varank më tej tha se zhvillimi i një programi hapësinor për qëllime civile kërkon bashkëpunim ndërkombëtar, duke shtuar se Turqia është tashmë në fazën e nënshkrimit të marrëveshjeve për bashkëpunim në atë zonë me Pakistanin dhe Azerbajxhanin.
“Ne jemi duke negociuar bashkëpunimin dypalësh në atë zonë me Shtetet e Bashkuara, Rusinë, Indinë dhe Kinën,” tha Varank.
Ministri turk i Industrisë dhe Teknologjisë Varank gjithashtu komentoi mbi projektet për zhvillimin e vaksinës së koronavirusit që po zbatohen në Turqi.
“Ne aktualisht kemi tre kandidatë të mundshëm të vaksinave që fillojnë testimin tek njerëzit”, tha Varank, duke shtuar se këto janë vaksina joaktive, VLP dhe adenovirus. /tesheshi.com/
