Ministri i ri i Drejtësisë, Abelard Tahiri, ka folur për herë të pare, pasi ka marrë besimin për të udhëhequr me këtë institucion në qeverinë “Haradinaj”.
Ai tha se është i nderuar që i është besuar ky post dhe se do të angazhohet për një qasje profesionale dhe transparente.
“Sapo u votua qeveria e re e Republikës së Kosovës. Jam i nderuar që më është besuar posti i Ministrit të Drejtësisë.
Do të angazhohem për një qasje profesionale, transparente, për respektim të diversitetit, të drejtave të njeriut dhe mundësive të barabarta.
Derisa ndjej përgjegjësi të plotë për detyrën që do ta ushtroj, jam jashtëzakonisht i impenjuar që së bashku me të gjithë kolegët pranë MD-së të punojmë në forcimin e sundimit të së drejtës, kundër krimit të organizuar dhe korrupsionit.
Një Kosovë ku të mbretërojë rendi dhe ligji dhe ku të gjithë jana të barabartë para ligjit është një parakusht jetik për një shoqëri të shëndoshë, të zhvilluar dhe të integruar në familjen e madhe evropiane.
Prandaj, jam i vetëdijshëm për sfidat e panumërta që më presin. Postulat i punës sime do të jetë besimi i qytetarëve të Kosovës në punën time dhe të mbarë MD-së në përgjithësi”, tha ai. /tesheshi.com/
