Milani është mundur sërish e kësaj rradhe me një rival direkt si Roma, brenda në shtëpinë e tij. 0-2 ka përfunduar ndeshja kryesore e Seria A, me gola të Xhekos dhe Florencit në pjesën e dytë.
Pavarësisht dëshirës më të madhe për rezultat pozitiv, Milani nuk ishte shumë i rrezikshëm ndaj Romës, e cila fitoi betejën në mesin e fushës me një Naigolan heroik. Pas kësaj humbjeje, Milani renditet në vendin e 7-të, nëntë pikë më pak se Napoli kryesues.
Pas kësaj ndeshjeje, trajneri Montela pritet të largohet, pasi kushti i qëndrimit të tij, ishte fitorja ndaj Romës e më pas ndaj Interit. Ndërkohë në Seria A, vijon fitoret me futboll argëtues Napoli, që mundi 3-0 me Kaljarin, duke arritur fitoren e 7-të në 7 ndeshje të luajtura.
Në ndeshjet e së dielës, fitoi edhe Inter, që mundi 1-2, Beneventon e Memushajt e Xhimshitit. Mesfushori shqiptar goditi edhe shtyllën në pjesën e parë pas një gjuajtje të fortë.
Impresionon edhe Lacio i Strakoshës, i cili fitoi 6-1 ndaj Sasuolos. /tesheshi.com/
