Presidenti Meta ka ofruar një skenë të paimagjinueshme për një kryetar shteti, pasi iu është hakërryer ne një mënyrë të pazakontë, deri në nivele skizofrenike, policëve bashkiakë të gjendur në zyrat e FRD-së, ish-partisë së Bamir Topit, e cila tani drejtohet nga Sali Shehu, pothuajse vetëm, pasi kjo forcë ja shkuar drejt shkrirjes, qyshse Shehu u fut në koalicion me PD-në, një gjest në injorim të strukturave dhe vetë Topit, që më pas dha dorëheqje.
Nuk dihet se pse Meta është gjendur në zyrat e FRD-së, në ish-selinë e PD-së, për të cilën Bashkia Tiranë kërkonte lirimin e ambienteve me anë të një shkrese.
Shehu reagoi duke thënë se “Fryma e Re Demokratike e quan si provokim të rëndë që bien ndesh flagrant me ligjin mbi partitë politike”.
Megjithatë, tej përplasjes së Shehut me Bashkinë, s’është kuptuar prezenca e Metës atë çast dhe për me tepër reagimi i tij me shkallë të lartë nervoziteti, e patepruar të thuhet deri në skizoferni.
“Dilni përjashtë ose do ju çoj në burg me duart e mia”, iu klithte Meta policëve bashkikë.
Më pas dha këtë deklaratë: “E konsideroj përpjekje për të realizuar grusht shteti, sepse t’i sjellësh një partie zyrtare, opozitare, menjëherë pasi nënshkruan një marrëveshje me PD-në dhe partitë e opozitës për të marrë pjesë në zgjedhje t’i sjellësh një shkresë të tillë pa vulë, pa numër protokolli, e bërë me vrap për të dhunuar fizikisht dhe psikologjikisht çdo forcë opozitare, duke keqpërodur bashkinë bandë padyshim që është tepër irrutuese.
Është paralajmërim për të gjithë qytetarët shqiptarë. I bëj thirrje të gjithë opozitës që të zgjohet dhe të mos lejojë më asnjë prekje të rregullave të garës.
Do të jetë vonë edhe për të jo vetëm për qytetarët në rast se do të tolerojë partinë bandë.
Po i paralajmëroj edhe një herë policinë bashkiake dhe policinë e shtetit. Të mos përfundoni si policët e Mubarakut nën këpucët e popullit shqiptar“, tha Meta.
Por kujtojmë, FRD-ja është forcë gati me zero impakt në zhvillime politike, e cila dhe kur drejtohet nga Topi s’mundi të faktorizohej për asnjë moment. /tesheshi.com/
