Lidhur me debatin për ligjin e mbetjeve, kreu i LSI-së, Ilir Meta ka ofruar një zgjidhje të mesme dhe jashtë politikës shqiptare. Sipas tij, duhet të jetë BE-ja ajo që ta ofrojë ekspertizë.
“Mbetjet, debat i kuptueshëm dhe pozitiv. Qëllimi ynë nuk ka qënë për zgjidhje oportuniste, por zgjidhje parimore që garantojnë interesin e gjëre të publikut dhe kjo ka qënë arsyeja që ne kemi insistuar për dialog të ngushtë me shoqërinë civile. Jemi në një situatë ku kemi një intepretim të ndryshëm të direktivave të BE-së. Të pranojmë një ekspertizë të thelluar të BE në këtë drejtim, sepse miratimi i ligjeve në mënyrë konfliktuale dhe kur konflikti është i stisur për një çështje sensitive dhe shoqërimi gjithmonë i zbatimit me një dyshim të përhershëm nuk është pozitive”, tha Meta në mbledhjen e Komitetit Drejtues Kombëtar të partisë.
Deri më sot, aleati qeverisës ka mbajtur një qëndrim paksa të distancuar nga debati, duke u kujdesur që të mos marrë kosto politike. Dhe tani propozon që këtë çështje ta marrë në dorë Brukseli. /tesheshi.com/
