Ndërsa parlamenti i ditës së sotme ka nisur prej mëngjesit, në sallën e Kuvendit të Shqipërisë vijojnë akuzat e debatet e ashpra mes opozitës e mazhorancës.
Akuzat e deputetes së opozitës Jozefina Topalli në drejtim të Kryetarit të Kuvendit Ilir Meta kanë nxitur një debat të ashpër mes të dyve në Kuvend. Meta e cilësoi Topallin të pacipë dhe kërkoi që nëse ka fakte për akuzat që bën ti dorëzojë në polici dhe prokurori.
“Është e drejta jote të jesh e pacipë por mos harro se na dëgjon Shkodra. Na njeh Shkodra. Nëse ke fakte denoncoi ne prokurori, por ti ke hall tjetër do justifikosh rezultatin në 21 qershor.”- u shpreh Meta menjëherë pas fjalës së Topallit.
Pas reagimit të kryetarit të Kuvendit , deputetja Topalli ka kërkuar të marrë përsëri fjalën por Meta e ka mohuar një gjë të tillë.
“Nuk ta jap fjalën fare. Më përmende si kryetar Kuvendi, se nuk kisha në plan të merreshe me ty. Ti je e pacipë, të njeh gjithë Shkodra dhe do ta japi Shkodra përgjigjen në 21 qershor. Atë që quaje ti mafje dhe të quante ty Moldave sot e ke aleat. Mafjen që të ka thënë moldave e ke aleat sot. Unë nuk flas asnjëherë por meqë zonja më përmendi drejtpërdrejtë do ja jepja këtë përgjigje. Me qetësi dhe dashuri patjetër.”- u shpreh Meta. /tesheshi.com/
