Ardian Braho është prokurori i denoncuar nga “Stop”-i në TV Klan me zë e figurë duke marrë 18 mijë euro ryshfet nga një qytetar lidhur me një çështje gjyqësore.
I menjëhershëm ka qenë reagimi i kryeprokurorit Llalla, i cili e ka shkarkuar menjëherë nga detyra dhe ka urdhëruar nisjen e hetimeve për rastin në fjalë.
Në një CV të shkurtër të karrierës së tij thuhet se 43-vjeçari nga Shkodra, prokuror karriere, ka trajtuar çështje si ajo e sheshit “Skënderbej”, ku Lulzim Basha u akuzua për dëm ekonomik; në hetimet ndaj Drejtorit të Policisë së Shtetit, Haki Çako në çështjen e përdorimit të pajisjes së përgjimit; në çështjen hetimore ndaj ish-kreut të Inspektoratit Ndërtimor të Tiranës, Florenc Hoxha; si dhe ka qenë dhe pjesë e task-forcës së Prokurorisë së Tiranës që hetoi çështjen e mashtrimit me TVSH-në në industrinë e përpunimit të metaleve që përllogaritej se i kishte shkaktuar shtetit një dëm prej 26 milionë dollarë. /tesheshi.com/
