Kriza e azilkërkuesve ku është përfshirë Gjermania dhe Europa mund t’ia kalojë npër nda rëndësia edhe krizës greke që vijon prej disa vjetësh. Kancelarja gjermane, Angela Merkel në një intervistë për televizionin ZDF, thotë se përballë kësaj krize, shtetet europiane duhet të bashkëpunojnë.
Sipas Merkel, europianët duhet të dalin në vlerësime të përbashkëta për fluksin e emigrantëve, dhe të unifikojnë standardet e azilit.
“Qasja me numrin e madh të refugjatëve ka gjasa që në të ardhmen e afërt të angazhojë BE-në më shumë sesa që shqetësimi që ka përcjellë kriza greke dhe stabiliteti i euros”, citohet të ketë thënë kancelarja gjermane.
Merkel ka folur edhe për fluksin e madh të refugjatëve ekonomikë nga Ballkani perëndimor, pjesën më të madhe të të cilëve e përbëjnë shqiptarët nga Shqipëria dhe Kosova.
“Ne nuk mundemi t`ia njohim azilin secilit që mendon se në Gjermani jetohet më mirë dhe se ka shanse për një vend pune. Gjermania nuk guxon t`i japë askujt shpresa të rreme. Ndryshe, ne nuk do të mund të ndihmojmë ata që me të vërtetë kanë nevojë për ndihmën tonë”, ka thënë kancelarja Merkel.
Megjithatë, shton Merkel, Gjermania ka kapacitete për ta përballuar krizën. /tesheshi.com/
