Shkencëtarët kanë paralajmëruar se në Tokë mund të ndodhë diçka e pazakontë, e cila do të bëjë që busulla të orientohet drejt jugut, duke qenë se dielli është duke lindur në Perëndim.
Studiuesit e klimës kanë frikë se po shkohet drejt ndryshimit të fushës magnetike të tokës, e cila edhe më herët ka sjellë fundin e racës njerëzore, madje edhe zhdukjen e njeriut të neandertalit.
Studiuesit paralajmërojnë se ndërrimi i poleve do të shoqërohet me tërmete të forta, ndryshime të shumta të klimës, zhdukje e shkatërrime globale masive.
Gjeologët bëjnë me dje se kjo gjë ka ndodhur disa herë në historinë e Tokës, ndërsa e fundit ka ndodhur 780.000 vite më parë gjatë epokës së gurit.
Alan Thompson, kreu i gjeomagnetizmit në Gjeologjikun Britanik, ka thënë se gjatë të tilla ndryshimeve të mëparshme: “nuk ka ndodhur zhvendosje në të gjithë planetin, apo katastrofa natyrore, pasi deri më tani as gjurmë të tilla nuk janë gjetur në fosile”.
Shkencëtarët pohojnë se ndryshime të tilla do të ndodhin brenda mijëvjeçarit të ardhshëm. Sipas tyre, me ndryshimin e poleve mund të gjendemi përpara stuhive të rrezikshme dhe mëshirës së rrezeve diellore.
Këto ndryshime do të jenë aq të fuqishme sa do të çojnë në drita të forta në Veri si dhe aurora të dukshme në hemisferën veriore, por fusha jonë magnetike mund të na mbrojë nga efektet e vërteta negative që ndodhin në këto raste.
Pa fushën magnetike, në Tokë do të kishte shkatërrime të paimagjinueshme, përfshirë me prishjen e rrjeteve të komunikimit, furnizimi me energji elektrike si dhe zjarre në rrugë. Çdo person do të rrezikohej ndjeshëm nga kanceri i lëkurës.
Muajin e kaluar, www.express.co.uk raportoi se ekziston frika e një shpërthimi të fuqishëm diellor, i ngjashëm me atë të ndodhur në epokën Viktoriane, i cili do të sjellë triliona paundë dëmtime ekonomike dhe bllokim në komunikim.
Nëse fusha magnetike e Tokës dobësohet, speciet do të çorientohen në fluturimin dhe drejtimin e tyre. Probleme të shumta mund të ndodhin me arinjtë, salmonin, bletët, pinguinët etj.
Është pranuar shkencërisht se fusha jonë magnetike është dobësuar gjatë 160 viteve të fundit dhe mendohet se kjo do të thotë se po shkojmë drejt një ndryshimi të madh polar, i cili mund të ndodhë brenda 1 mijë vitesh dhe do të përfundojë për 10 mijë vite.
Të dhënat gjeologjike tregojnë se kanë ndodhur qindra ndryshime të poleve gjatë historisë së Tokës. Kjo mund të jetë shkaktuar si pasojë e lëvizjes së atomeve të hekurit në brendësi të lëngut të Tokës, çka shkakton çorientimin e poleve magnetike.
Jean-Pierre Valet, i cili drejton kërkimet gjeo-magnetike në Institutin e Fizikës së Tokës në Paris, ka thënë: “Ndryshimet më dramatike ndodhin kur lëvizja e poleve është shumë e madhe, çka shkakton edhe çrregullime të mëdha në intensitetin e terrenit”.
Monika Korte, drejtoreshë shkencore e Niemegk Geomagnetic Observatory në GFZ Potsdam në Gjermani ka thënë: “Nuk do të jetë një ndryshim i menjëhershëm por një proces i ngadaltë, gjatë së cilit fusha magnetike dobësohet, bëhet shumë më komplekse dhe me shumë mundësi shkakton krijimin e më shumë se dy poleve në të njëjtën kohë”.
Kur fusha magnetike dobësohet, çka mendohet të ndodhë edhe me tonën, Toka rrezikohet nga ndikimi i dëmshëm i rrezatimit diellor.
John Tarduno, profesor i gjeofizikës në Universitetin Rochester ka thënë: “Masat diellore që ejektohen përplasen herë pas here mes tyre dhe më pas shkarkohen në Tokë. Disa prej këtyre masave bëjnë që të bllokohet fusha magnetike e Tokës. Me një fushë magnetike të dobët, Toka ngelet pa një mbulesë mbrojtëse efikase”.
Disa shkencëtare nuk pajtohen me mendimin se dobësimi i fushës magnetike do të çojë në zhdukjen e specieve njerëzore. Ekspertë të tjerë nuk janë të bindur se ka një lidhje mes ndryshimit të poleve dhe zhdukjes së njerëzve. “Edhe nëse fusha dobësohet tej mase, sipërfaqja e Tokës është e mbrojtur nga rrezatimet atmosferike. Në mënyrë të ngjashme ne nuk mund ti ndjejmë apo shikojmë këto ndryshime, të cilat ndodhin në mënyrë shumë të ngadaltë dhe për një kohë shumë të gjatë”,- ka thënë Korte.
Një gjë është e sigurt: fusha magnetike është dobësuar shumë, se çfarë do të ndodhë më pas, këtë ia lëmë kohës…/tesheshi.com/
