Dogana e Kosovës ka bërë të ditur se oficerët e saj doganorë kanë arritur që gjatë patrullimit në rrugën Prishtinë – Mitrovicë saktësisht në hyrje të Vushtrrisë të kapin medikamente kontrabandë.
Doganierët kanë ndaluar një veturë Opel Vectra me targa RKS e drejtuar nga një shtetas i Kosovës. Zëdhënësi i Doganave Adriatik Stavileci ka thënë se gjatë kontrollimit me detaje tëi veturës është zbuluar një sasi e konsiderueshme të medikamenteve të ndryshme me origjinë nga Serbia.
Medikamente dhe vetura, sipas Stavilecit, janë konfiskuar dhe lidhur me rastin në fjalë është iniciuar kundërvajtje doganore. Vlera totale e mallrave është mbi 3000 euro./tesheshi.com/
