Kancelarja gjermane ka dalë dje në një konferencë shtypi në Berlin duke patur në krah kryeministrin e Malajzisë.
Gjatë konferencës së shtypit, Merkel ka nënvizuar se shtetet anëtare të BE-së duhet t’u ofrojnë strehim refugjatëve të ikur prej luftës civile apo terrorit pavarësisht nga besimi i tyre.
Përgjegjësia humanitare e Europës është vënë në pah në fjalën e saj.
“Ne në Europë kemi detyrime të caktuara humanitare ndaj refugjatëve të ikur nga lufta civile në Siri dhe atyre të ikur nga ISIS-i në Irak.”
Më tutje, në përgjigje të pyetjeve, Angela Merkel e ka shprehur më hapur qëndrimin e vet.
“Ne nuk po bëjmë dallim këtu midis njerëzve me besim kristian dhe njerëzve me besim islam, e nuk po themi se një grup do të mbrohet nga ne e të tjerët jo. Unë mendoj se kjo gjë duhet të reflektohet në politikën e çdo shteti anëtar të BE-së. Ky është mendimi im, ky ka qenë gjithmonë mendimi im, dhe vazhdon të jetë mendimi im.” /tesheshi.com/
