Unioni Kristiandemokrat (CDU) i Merkelit humbi terren në tre lande në zgjedhjet rajonale të së dielës, në Saxony-Anhalt, në Baden-Wuerttemberg dhe në Rhineland-Palatinate.
Rezultatet e së dielës janë parë si një reagim ndaj politikës së Merkelit në lidhje me refugjatët, ndërsa kancelarja duket gjithsesi ende e fortë në pozitat e saj, edhe pse të lëkundura.
SPD-ja, partia në koalicion me Merkelin mori po ashtu një goditje të rëndë në zgjedhjet rajonale të së dielës.
Socialdemokratët fituan vetëm 12.8 për qind të votave në Baden-Wuerttemberg, një rënie e ndjeshme kjo krahasuar me 23.1 përqindëshin e e vitit 2011. Zmbrapsje pësuan ata dhe në Saxony-Anhalt, ku fituan vetëm 11.5 për qind.
AfD-ja, lëvizja kundër refugjatëve, edhe pse nuk ia doli të fitojë kontrollin në asnjë prej rajoneve, rezultoi e suksesshme në zgjedhjet, duke arritur t’i ulë përfaqësuesit e vet në tre asambletë rajonale.
Ajo u bë forca e dytë politike në Saxony-Anhalt, duke fituar 24 për qind të votave. /tesheshi.com/
