12 ditë. Ky është afati që Angela Merkel dhe François Holande i kanë dhënë Alexis Tsipras për të arritur në arritjen e një marrëveshjeje me kreditorët ndërkombëtarë, për zhbllokuar 7.3 miliard euro ndihma pa të cilat Athina nuk mund të paguajë rrogat e punëtorëve dhe pensionet.
“Do të thoja që bisedimet duhet të përshpejtohen dhe shpresojmë që grupi i Brukselit të bëjë përparime të qarta. Jemi shumë të interesuar që të arrihet një zgjidhje dhe me siguri që do ta diskutojmë këtë problem kur ta takojmë”,- tha Merkel.
“Siç tha dhe kancelarja, duhet të nxitojmë sepse afati i fundit që kemi vendosur po afron. Greqia ka nevoja financiare që nuk mund të presin dhe duhen gjetur fonde. Do t’i themi zotit Tsipras se Greqia duhet të qëndrojë në eurozonë dhe ne duam që Greqia të qëndrojë”,- ka qenë reagimi i Hollande.
Merkel dhe Hollande, u takuan në Berlin ku folën për përgatitjen konferencës së OKB-së për ndryshimet klimaterike dhjetorin e këtij viti, ku premtoi se Gjermania do të caktojë një buxhet vjetor prej 4 miliardë eurosh për financimet klimaterike. /tesheshi.com/
