Kancelarja gjermane Angela Merkel tha të martën se uniteti i Evropës tani është i nevojshëm, sepse bota po riorganizohet plotësisht.
Merkel, e cila, si kancelare e parë gjermane mori pjesë në seancën e qeverisë së provincës së Bavarisë, theksoi në konferencën për shtyp në Mynih se Evropa do të thotë “siguri” për Gjermaninë.
Ajo theksoi se gjithçka që po ndodh aktualisht në Bruksel gjatë presidencës gjermane të Bashkimit Evropian është shumë e rëndësishme.
“Bota aktualisht po riorganizohet. Fakti që Shtetet e Bashkuara po mbrojnë BE nuk është më diçka që merret si e mirëqeë. Kjo është arsyeja pse uniteti në Evropë është më i rëndësishëm se kurrë,” tha Merkel.
Përpara qëndrimit të Merkel në Bavari, mediat spekuluan se kjo mund të jetë një shenjë që ajo mbështet kandidaturën e mundshme të kryeministrit të Bavarisë, Marcus Soeder, për Kancelarin e ardhshëm gjerman, pra pasuesine e saj.
Soeder është kreu i Unionit Kristian Social të Bavarisë (CSU), një motër e CDU-së së Merkelit.
E pyetur nëse e mbështet Soeder për Kancelar të ardhshëm, Merkel kujtoi se më parë kishte njoftuar se nuk do të kandidonte më për Kancelare në zgjedhjet e ardhshme dhe se ajo dëshironte të qëndronte mënjanë se kush do të ishte pasardhësi i saj.
“Kjo është arsyeja pse unë nuk dua ta komentoj për këtë çështje,” tha ajo. /tesheshi.com/
